Stanòt a sån stè a massa cme tótt i àn
La cîsa pénna, äl cantarénni in riga,
In prémma fila una fangénna zîga…
E tänta zänt … ch’à purtè qué i sû afàn.
A i n’è dimóndi ed qui ch’a n ò mai vésst,
Mo stanòt l’è par tótt un quèl d spezièl
L’è la nòt chi én tótt bón, la nòt d Nadèl
Quand véns al månd un cìnno détt al Crésst.
Adeste fideles … che prufómm d’inzäns,
Tu scendi dalle stelle … sé mo dmän
Brîsa turnèr vî sóbbit – a prêg piän…
An vrêv brîsa pinsèri e invézi a i päns…
I él un rimédi a tótt sti guâi dal månd ?
Al lêz la Bébbia al prît, là in duv i è scrétt
Che i preputént un dé i srän maledétt
E che i puvrétt i srän trât só d’in fånd
Da la miséria e dai brótt malân
E che la spèda in fèlz la srà canbiè.
A m pèr a mé, Sgnurén, ch’séppa arivè
Al mumänt giósst ed dscrûver st’ brótt ingân
Che chi à i bajûc l è méi ch’n èva de pió
Par psàir fèr pió limósna e stèr in pès.
Cänbia i pinsîr, té ch’t pû, s’a t piès,
Ed chi con la vétta ormai a i l’à dè só
Prónti a stiupèr par fèr murìr dla zänt
A râi … e fa che i nûster côr ed sâs
I dväntn ed chèren e che a l’amâs
Ed mandèr al zarvèl an s véggna in mänt…
E ch’an cardàggna mai a chi imbrujón
Ca i piès ed fèr la guèra a tótt i cósst
E a tótt chi milurdén chi drézzn al bósst…
Chi sa mai ch’i n arpiaten di bastón?
Anc in televisiån – sèt – al bruntlé
“Adès bâsta – che rédder an s pôl pió,
Anzi… as pôl solamänt quand al giän nó!”…
Andate in pace … Sé, das na män té!
Alla messa di mezzanotte
Sono stato a messa, stanotte, come ogni anno 
La chiesa è piena, le “canterine” in fila,
In prima fila una bambina piange…
E tanta gente … che ha portato i suoi affanni.
Sono tanti quelli che non ho mai visto,
Ma stanotte è per tutti qualcosa di speciale,
È la notte in cui tutti sono buoni, la notte di Natale
Quando venne al mondo un bambino detto il Cristo.
Adeste fideles…che profumo d’incenso,
Tu scendi dalle stelle … sì ma domani
Non tornar via subito – prego sottovoce …
Non vorrei pensarci e invece ci penso …
C’è un rimedio a tutti questi mali del mondo?
Legge le Bibbia – il prete – là dove c’è scritto
Che i prepotenti un giorno saranno maledetti
E che i poveri saranno tratti dal fondo
Della miseria e dalle brutte malattie
E che la spada sarà trasformata in falce.
Mi sembra, Signore, che sia arrivato
Il momento giusto di rivelare questo brutto inganno
Che chi ha i soldi è meglio che ne abbia di più
Per poter fare più elemosine e sentirsi in pace.
Muta i pensieri, tu che puoi, se vuoi,
Di chi con la vita ormai gliel’ha data su
Ed è pronto a “scoppiare” per far morire gente
A casaccio … e fa che i nostri cuori di pietra
Diventino di carne e che all’ammasso
Di mandare il cervello non ci passi per la mente…
E che non crediamo mai a quegli imbroglioni
A cui piace far la guerra a tutti i costi
E a tutti quei “milordini” che ergono il busto…
Chissà che non nascondano dei bastoni?
Anche alla televisione – sai – brontolò
Adesso basta – che ridere non si può più
Anzi… si può solo quando lo diciamo noi…
Andate in pace …sì – dacci una mano tu!
Risale a qualche anno fa, ma mi sembra ancora molto attuale.