Zilistén al calzulèr
La sô butàiga l’era in un såttschèla
fòra ‘d Mazini prôpi dal Bitàn
t al sént da la maténna ch’al smartèla
l éra un cusén ‘d mî mèder ón ‘d Bisàn
Celeste si chiamava, mo in dialàtt,
si avéven bisàggn dal zavatén
ló, ch’ stéva sänper drî dal sô bancàtt,
par tótt al månd era sänper Zilistén.
“Cus’ in gîv, Zilistén, gîv ch’am cunvéggna?
d arsulèr sta zavàta ch’ l è un arcórd,
al dégg såul a vó, ‘d cla tareghéggna
che quänd l éra al månd, andéven mâi d acórd?”
“Chi? To mujér? am per ‘d vaddla dnanz a mé!
Gran bèla dòna! E pó che senpatî
Mo quant al suladûr, s’ t i cuntänt té
a t li fâg sóbbit e t pû purterli vî
mo a oc’ e cråus col tô quarantasèt
t a n in vè dänter gnanc con al curnàtt
dam mänt a mé, con tè a vói èser stièt
‘vàrra cal catuén e in vàtta al mi bancàtt
métti zãnt scûd e senza discussione
dåu zavàt lóstri ed mèrca Celestino
nóvi nuvänti in pelle di caprone
da gran signore, dal gusto sopraffino
potrai trovare già da domattina
e far la tua figura anche in salotto
quando ricevi la nuova signorina
di cui m’han detto sei già bello cotto.
Il tranvai passava lì davanti
scanpanléva par mód ch’i s féss’n in là
tott quî che del pericolo sprezzanti
da la gran fûria e par pòra ‘d vanzèr zå
nel mezzo della calca l à rasàn
chi pió cóccia chi spénz chi pió ’s lamänta
chi dice con permesso e zà un spintån
intant che ‘l biglietèri ormai la cänta:
“avanti c’è posto …” “mo sé, va a fèr …”
Intãnt zå da la schèla pian pianén
scendeva la Zelinda par purtèr…
al bidån con al róssc zå dai scalén
“Ch’al scusa bän, chèro al mî ruscaról
dài bän piò fiè a cla tråmmba ca i sént póc
ca m tåcca ed fèr la schèla a råtta ‘d col
e s a m spatàc in tèra! Al sèt che ciòc!
Mo Gino, al ruscaról n à brìsa fràzza
s a i è däl dòn … l à sänper quèl da dîr
e s an fóss par la pózza e la schifàzza
dal róssc e pral cavàl prónti a partìr
quel convegno potrebbe continuare
anc fén a sîra, parché sänza tivù
la comunicaziån l è quàssta se vi pare
c’è chi ne sa!!… e chi ne sa di più!
V.Z.
20 gennaio 2019